«ҚМГ Инжиниринг» ЖШС Басқарма құрамында өзгерістер
- 21.01.2026
- News-Kaz, News-Kk
- Коммент өшірілген on «ҚМГ Инжиниринг» ЖШС Басқарма құрамында өзгерістер
- D.Arkharova
2025 жылғы 30 желтоқсанда «ҚазМұнайГаз» ҰК АҚ Басқармасының шешімімен (№53 хаттама), Серіктестіктің жалғыз қатысушысының шешімімен танылған Кәрібаев Олжас Ержанұлы Серіктестіктің Басқарма мүшесі болып сайланды.
Сондай-ақ өткен отырыс аясында Серіктестіктің Басқарма мүшесі Дәулетов Асылжан Бауыржанұлының өкілеттігін мерзімінен бұрын тоқтату туралы шешім қабылданды;
Осылайша, қазіргі уақытта «ҚМГ Инжиниринг» ЖШС Басқарма құрамына:
– Өтеев Рахым Нағанғалиұлы-Бас директор (Басқарма төрағасы);
– Мұстафаев Мұрат Кеңесбайұлы;
– Хайретдинов Ренат Геннадьевич;
– Кәрібаев Олжас Еранұлы;
– Иманбаев Бақыт Алтайұлы;
– Мардан Алтынбек Сүлейменұлы сайланды.
Анықтама:
Басқарма Серіктестіктің ағымдағы қызметіне басшылықты жүзеге асыратын алқалы атқарушы орган болып табылады. Басқарма құрылымы туралы жадынама қоса беріледі.
Кәрібаев Олжас Ержанұлы -Бас директорының ірі және перспективалы жобалар жөніндегі орынбасары.
Кәрібаев Олжас Ержанұлы Қазақстан-Британ техникалық университетін 2008 жылы «мұнай және газ кен орындарын игеру» мамандығы бойынша бітіріп, 2010 жылы Турин политехникалық университетінде мұнай-газ инженериясы магистрі дәрежесін алды.
Олжас Ержанұлы кәсіби мансабын 2010 жылы «ҚМГ Қашаған Б.В.» ЖШС компаниясында бастады, онда геология, бұрғылау және әзірлеу департаментінде жұмыс істеді. 2011-2015 жылдары Нидерландыда, «Total EP Nederland BV» компаниясында, Солтүстік теңіз қайраңында НКОК-тан халықаралық іссапар өтті.
2015 жылдан бастап НКОК-та (Атырау қ.) өз жұмысын жалғастырды, онда Қашаған кен орнын тәжірибелік-өнеркәсіптік игеру жобасына толықтыруларды әзірлеуге және қорғауға, сондай-ақ Қаламқас-теңіз және Хазар кен орындарын бірлесіп игеру Тұжырымдамасын дайындауға белсенді қатысты.
2018-2021 жылдар аралығында «ҚМГ Қашаған Б. В.» ЖШС-нен іссапарға жіберіле отырып, НКОК техникалық дирекциясында үйлестіруші, топ басшысы және игеруді жоспарлау бөлімінің бастығы лауазымдарын атқарды.
2021 жылғы сәуірден 2022 жылғы тамызға дейін – НКОК-та өндірістік жоспарды іске асыру және қолдау жөніндегі менеджер.
2022 жылғы тамыздан 2024 жылғы ақпанға дейін – «GPC Investment» ЖШС директорының орынбасары («Qazaq Gaz» ҰК АҚ еншілес компаниясы).
2024 жылдың ақпан айынан бастап – «HBP Central Asia» инжинирингтік компаниясын жайластыру бөлімінің басшысы.
О. Е.Кәрібаев Президенттік Жастар кадрлық резервіне енгізілген (ПЖКР-2021) және жобаларды басқаруда (PMR) сертификатталған маман болып табылады.
2025 жылғы маусымда ҚМГИ бас директорының ірі және перспективалы жобалар жөніндегі орынбасары болып тағайындалды.
