Зияткерлік еңбек үшін марапат

Зияткерлік еңбек үшін марапат

«Жас кадрлар арасындағы үздік ғылыми жұмыс» байқауының жеңімпаздарының лауазымы көтеріліп, олардың біреуінің жалақысы өсірілді.

Біз өткен жылы конкурсқа ұсынылған 20 ғылыми жұмыстың ішінде 4 үздік деп танылғанын жаздық:

· «ҚМГ Ижиниринг» ЖШС игеріліп жатқан кен орындарының ресурстық базасын дамыту қызметінің жетекші инженері Насен Қонысов «КС тұтқыштарын болжау кезінде геологиялық модельдеуді қолдану» (Бағыты: Геология, флюидтерді физикалық /химиялық зерттеу):

·   «ҚМГ Инжиниринг» ЖШС «ҚазмұнайгазҒЗЖИ» филиалының флюидтерді талдау және кәсіпшілік химия қызметінің кәсіпшілік химия зертханасының Аға инженері Сұлтанғали Әбдіқалықов «Ньютондық емес сұйықтықтардың реологиялық қасиеттерін жетілдірілген бағалау» (Өңдеу, өндіру техникасы);

·   «ҚМГ Инжиниринг» ЖШС «ҚазмұнайгазҒЗЖИ» филиалының Ұңғымаларды бұрғылау және жөндеуді жобалау қызметінің жетекші инженері Павел Зайцевтің «Жетібай кен орнында көлденең ұңғымаларды салу және оларды аяқтау тәсілдері» (Бұрғылау және жайластыру):

«ҚМГ Инжиниринг» ЖШС «ҚазмұнайгазҒЗЖИ» филиалының элементтік сметалық нормалау қызметінің жетекші инженері Қайрат Исиннің «Мұнай өндірудегі ғылыми-зерттеу, жобалау-іздестіру және зертханалық зерттеулердің бірыңғай әдістемесі мен біріздендірілген уақыт нормалары» (Ақпараттық технологиялар, корпоративтік басқару (HR, қаржы, экономика, тәуекелдер, құқық және т. б.):

– Ағымдағы жылы компания қызметкерлері қызметінің тиімділігін бағалауды жүргізу кезінде ҚМГИ бағалау комиссиясының отырысы аясында П.В. Зайцев, К.А. Исин, С.Е. Әбдіқалықовты жоғары тұрған лауазымға ауыстыру туралы, сондай-ақ Н.Ж. Қонысовтың лауазымдық айлықақысының деңгейін бір деңгейге көтеру туралы (2021 жылы лауазымын жоғарылатуға байланысты) ұсынымдар қабылданды, – деп Персоналды дамыту қызметінің басшысы Жанна Жақыпова хабарлады.

Бұдан бұрын хабарланғандай, байқаудың тағы 10 қатысушысы компания басшылығы атынан алғыс хаттармен марапатталды.

Бөлісу бағытындағы: